டம்மி டக் அறுவை சிகிச்சை (அப்டோமினோபிளாஸ்டி) திருப்பதி இல்

நோய் கண்டறிதல்

ஒரு பிளாஸ்டிக் அறுவை சிகிச்சை நிபுணர் நோயாளியின் டம்மி டக் அறுவை சிகிச்சை செய்வதற்கான காரணங்களை முழுமையாகக் கண்டறிகிறார். அதன் பிறகுதான் இந்த அறுவை சிகிச்சைக்கு நீங்கள் ஒரு நல்ல நபரா என்பதை அறுவை சிகிச்சை நிபுணர் தீர்மானிக்கிறார்.

தோல் அதன் நெகிழ்வுத்தன்மையை இழந்திருக்கக்கூடிய காரணங்களை அடையாளம் காண சர்ஜன் உங்கள் மருத்துவ வரலாறு மற்றும் வாழ்க்கை முறையைப் பற்றிக் கேட்பார். பின்வரும் சோதனைகளும் மேற் கொள்ளப்படும்-

• முழு இரத்த பரிசோதனை மற்றும் சிறுநீர் பரிசோதனை-அறுவை சிகிச்சையின் சாத்தியமான அபாயங்களை அதிகரிக்கக்கூடிய குறிப்பிட்ட உடல் நல நிலைமை நோயாளிக்கு இருக்கிறதா என்பதைக் கண்டறிய இந்த பரிசோதனைகள் செய்யப்படுகின்றன.
• எம்.ஆர்.ஐ ஸ்கேன் – இது அறுவை சிகிச்சை நிபுணர் நோயாளிக்கு ஒரு டயஸ்டாசிஸ் ரெக்டி இருக்கலாம் என்று சந்தேகித்தால் பரிந்துரைக்கப்படுகிறது.
• அல்ட்ராசவுண்ட்- அடிவயிற்றில் தளர்வான தசைகள் உள்ள நோயாளிகளுக்கு சில வகை ஹெர்னியா ஏற்பட வாய்ப்புள்ளது. ஹெர்னியா இருக்கிறதா என்பதை கண்டறிய அல்ட்ரா சவுண்ட் உதவுகிறது.
• பிஎம்ஐ செக்-நோயாளியின் பிஎம்ஐ, அவர்/அவள் அதிக எடையுடன் உள்ளாரா, மேலும் டம்மி டக் அறுவை சிகிச்சைக்குத் தகுதிபெற இன்னும் கொஞ்சம் எடையைக் குறைக்க வேண்டுமா என்பதைத் தீர்மானிக்கச் சரிபார்க்கப்படுகிறது,

எல்லா பரிசோதனைகளும் முடிந்து, அப்டோமினோபிளாஸ்டிக்கு நோயாளி ஒரு நல்ல நபர் என்பதை மருத்துவர் உறுதிப்படுத்தியவுடன், அறுவை சிகிச்சை திட்டமிடப்படுகிறது.

ப்ரொசீஜர்

செயல்முறை பின்வரும் படிநிலைகளை உள்ளடக்கியது-

• ோயாளியை தூங்க வைப்பதற்காக மயக்க மருந்து நிபுணர் அனஸ்தீஸியா வழங்குகிறார். பொதுவாக, ஜெனரல் அனஸ்தீஸியா பயன்படுத்தப்படுகிறது, ஆனால் சில சந்தர்ப்பங்களில், ஐ. வி. (இன்ட்ராவீனஸ்) செயல்முறைக்கு மயக்க-மருந்து பயன்படுத்தப்படலாம்.
• பியூபிக் ஹேர்லைன்க்கு மேலே வயிற்றுப் பகுதியில் ஒரு வெட்டுக்காயம் செய்யப்படுகிறது.
• அறுவைசிகிச்சையானது முழு டம்மி டக்-காக இருந்தால், அறுவை சிகிச்சை நிபுணர் பெல்லி பட்டனையும் அகற்றுவார். மினி டம்மி டக் என்றால், பெல்லி பட்டனுக்கு கீழே மட்டுமே அறுவை சிகிச்சை செய்யப்படுவதால், பெல்லி பட்டன் பிரிவதில்லை.
• அடிவயிற்றுத் தசைகளை வெளிப்படுத்துவதற்காகத் தோலை உயர்த்துவார்கள். தளர்வான தசைகள் ஒன்றாகப் பிணைக்கப்படுகின்றன இல்லையேல் தைக்கப்படுகின்றன. தேவைப்படும் பட்சத்தில், வயிற்றில் உள்ள கூடுதல் கொழுப்பை நீக்க லிப்போசக்ஷன் பயன்படுத்தப்படுகிறது.
• பின்னர் தோலை அடிவயிற்றுக்கு மேல் நீட்டி, அதிகப்படியான தோல் வெட்டப்படுகிறது.
• முழு டம்மி டக்காக இருக்கும் பட்சத்தில், பெல்லி பட்டனை மீண்டும் இணைக்கும் வகையில் புதிய ஓபன் ஒன்று உருவாக்கப்படுகிறது.
• தேவையான திருத்தங்கள் முடிந்தவுடன், துளைகள் அனைத்தும் தையல்களால் மூடப்பட்டு, ஒரு டிரெஸ்ஸிங் மூலம் மூடப்படும்.

மொத்த அறுவை சிகிச்சை சுமார் 1.5 மணி நேரம் முதல் 2 மணி நேரம் வரை எடுத்துக்கொள்ளும். நோயாளியின் உடல் நிலை அடுத்த சில மணி நேரங்கள் கண்காணிக்கப்படுகிறது. எல்லாம் நன்றாக இருந்தால் நோயாளி அன்றைய தினமே டிஸ்சார்ஜ் செய்யப்படுவார்.